Pasditen e djeshme lartë e poshtë qarkulloi një lajm ku thuhej se Franca i kishte dhënë Shqiperisë, 100 milionë euro ndihma.
Të gjithë mbetën të çuditur nga ky lajm.
Por mesa duket makina e propagandës ka punuar në mënyrën më të mirë gjatë konferencës së donatorëve. Të dhënat që dilnin vetëm nga zyra e Edi Ramës, bënë lëmsh shumë mediat dhe më shumë qytetarët.
E kjo duket fiks në rastin e Francës dhe atë të Italisë.
Fillimisht u tha se, Franca kishte dhënë 100 milionë euro ndihma dhe 60 milionë euro kredi.
Por optimizmi i madh i pasdites është fashitur në mbrëmje.
Ishte vetë Arben Ahmetaj i cili tha se Franca i ka falur Shqipërisë vetëm 1 milionë Euro dhe 60 milionë euro kredi. Duket se propaganda këtij 1 milionëshi i ka shtuar dje pasdite tre zero, duke e bërë 100 milionë.
Edhe shuma që Italia i ka falur Shqipërisë është shumë larg, asaj të bërë publike nga propaganda.
Sërish sipas asaj që tha mbrëmë Arben Ahmetaj në Opinion, Italia na ka dhënë 5 milionë euro grante dhe 60 milionë euro të tjera janë kredi.
