Dashamir Shehi: Rama nuk i mashtroi dot ndërkombëtarët për Ligjin “Antishpifje”

585
Sigal

I ftuar në emisionin “Real Talk” në “News 24”, Kryetari i LZHK, Dashamir Shehi deklaroi se Edi Rama ka shkelur në dërrasë të kalbur dhe se edhe ndërkombëtarët e kuptuan këtë, prandaj ai u tërhoq.

Sipas Shehit, Rama pasi nuk ia arriti me ligj, kërkon të imponohet me metoda tipike shqiptare, si kërcënimi.

“Edi Rama do që të marrë edhe mediat. Për shkak të teknologjisë, u krijuan media të reja dhe Rama nuk do këto lajme. Edi Rama ka punësuar 50 veta në kryeministri, ka televizion privat, Bashkia Tiranë ka nja 100 ushtarë, kanë bërë propagandë. Rama donte ta mbyllte edhe këtë hapësirë që ka mbetur. Edi Rama thotë e bëj me metodë shqiptare, me kërcënime, me lloj-lloj metodash.

Rama duke bërë xhiron ndërkombëtare, ka kuptuar se “zullumqarët e Tiranës” mund t’i shkelë me këmbë. Thotë nuk iu prish hatrin ndërkombëtarëve dhe e bëj sipas metodës shqiptare. Edi Rama do të kontrollojë PPP, gjithçka, do të kontrollojë edhe mediat. Rama po vepron me oportunizëm. Ky shkeli në një dërrasë të kalbur, e gjykuan të huajt dhe prandaj po e bën me metodë shqiptare. Ky rrëshqiti përpara ndërkombëtarëve”, u shpreh Shehi.