Blendi Sulaj: 13 tetori të respektohet nga partitë për zgjidhjen e krizës

515
Sigal

Nënkryetari i Partisë Republikane: ‘13 tetori të respektohet nga të gjitha partite. Vendimet e Metës në dobi të zgjidhjes së krizës’

Nënkryetari i PR, Blendi Sulaj, tha dje se deri në momentin që Gjykata Kushtetuese nuk është krijuar, vendimet e Metës duhen zbatuar. Ai theksoi se 13 tetori duhet të respektohet nga të gjitha partitë. Blendi Sulaj: Ai aksion politik që ne ndërmorëm nga shkurti deri në qershor e nxori opozitën fituese morale në të gjithë këtë situatë politike që është krijuar. Rruga që duhet shtruar tashmë është zgjidhja e krizës politike dhe kjo duhet të vijë nga aktorët kryesorë politikë. Deri në momentin e krijimit të Gjykatës Kushtetuese, vendimet e Presidentit janë të ligjshme. Dekreti i 13 tetorit duhet të respektohet nga të gjitha partitë politike. Data 13 tetor edhe mund të lëvizi si datë por e rëndësishme është që të ketë kompromis mes palëve. Deklaratat e Metës nuk duhen parë si deklarata afër opozitës, por për zgjidhjen e krizës. Kritikat e Metës janë me vend edhe drejt opozitës. Çfarë ka ndodhur në këto muaj është faji i Ramës dhe i qeverisjes së tij dhe jo i opozitës. Përgjegjësitë kryesorë për këtë situatë duhet t’i japin zgjidhje. Përgjegjësitë janë dy politikanët kryesorë të dy krahëve. Ata duhet të reflektojnë dhe duhet të mendojnë për qytetarët. Ata duhet të shikojnë se nuk ka më kohë për krenari vetjake politike, por ka kohë që Shqipërisë t’i hapet rruga për të ecur përpara. Çdo veprim që vjen nga Amerika duhet të shikohet me shumë vëmendje dhe duhet të lexohet mirë. SHBA-të nuk kanë qasje as kundër opozitës, as pro mazhorancës. SHBA-të kanë një qasje të drejtë mbi të gjitha problemet që ndodhin në Shqipëri dhe ne duhet t’i lexojmë ato me racionalitet.