Kreu i Partisë Demokratike, Sali Berisha, deklaroi se ka një “betejë jetë a vdekje’ për t’i bërë qytetarët shqiptarë që të votojnë të lirë.
I ftuar në një emision, Berisha theksoi se ‘o do votojnë shqiptarët të lirë, ose ne si forcë do shuhemi, ose Rama do ikë’.
Sa i përket strategjisë që do të ndjekin për të rrëzuar Ed Ramën nga pushteti, Berisha tha PD dëshiron që të përdorë strategji paqësore, por shtoi se do të do përdorin të gjitha metodat e mosbindjes civile.
Pjesë nga biseda:
Berisha: Edi Rama e shkeli marrëveshjen, nuk pyeti, nuk pyet Rama, nuk njeh asnjë standard
Pyetje: Ju duhet ta keni konkurrent jo armik
Berisha: Është armik i votës… kam një betejë për jetë e vdekje t’i bëj qytetarët të votojnë të lirë
Pyetje: Me Ramën s’ka zgjedhje të lira
Berisha: Jo s’ka, atëherë Rama do ikë
Pyetje: Si? Revolucion?
Berisha: Se si e tek do përcaktohet, por kjo është absolute, Rama votë shqiptarëve s’do mund t’u shkelmojë më… po them o do votojnë shqiptarët të lirë ose ne si forcë do shuhemi, ose Rama do ikë
Pyetje: Me Ramën s’futeni në zgjedhje
Berisha: Jo nuk them hyjmë a jo, por them që Rama po preku votën, i them se s’do ta prekë më kurrë. I them se është një armik i egër i qenies shqiptare përderisa u prek votën. A po e shpik unë këtë. Strategjia, ne do dëshironin strategjinë paqësore, por do përdorim të gjitha metodat e mosbindjes civile.
