Sekretari i Përgjithshëm i Partisë Demokratike Gazment Bardhi është përplasur me forcat policore të ndodhura në ambjentet e selisë blu, duke iu kërkuar llogari për qëndrimin e tyre aty.
Një nga oficerët e policisë i ktheu përgjigjie duke u shprehur se i kanë thirrur vetë pas incidenteve të ndodhura sot.
Bardhi replikoi duke thënë se policia ka mbërritur 47 minuta pasi është njoftuar dhe se ata janë thirrur për të mbrojtur jetën e deputetëve.
Më tej ai shtoi se forcat policore nuk kanë të drejtë të rrinë në oborrin e partisë Demokratike dhe as në zyrën e tij.
Pjesë nga biseda:
Bardhi: Pse janë shoqëruar në komisariat anëtarë të Këshillit të Partisë demokratike, ata kanë qenë në mbledhje pune?
Polici:Akoma nuk e keni të qartë? Rrethanat e gjithë ngjarjes sot
Bardhi: Cilat rrethana? Për cfarë po qëndron këtu?
Cila është puna juaj, cfarë po bëni në oborrin e PD? Pse jeni në një pronë që nuk mund të hyni?
Oficeri i policisë: Ta shpjegova.
Bardhi: Pse jeni në zyrën time të punës? Ju nuk ikni kur doni ju. E kam kërkuar policinë për të mos rrezikuar jëtën e deputetëve, ka mbërritur pas 47 minutash.
