Akademik Artan Fuga: Gjuha paramilitare e pastrueses së korridoreve

117
Sigal

Keni  ikur shumë larg në një botë të dhunëshme, të egër, primitive

Prof.Dr. Artan Fuga

O zot, tragjedi, por më shumë komedi, edhe pastruesja e ndërtesës të SHQUP-it merr pjesë në debatin politik dhe media u jep vend. Dhe më e bukura, më zgërdhirësja, më rrafishatësja, hapu dhé : Drejtuesit e partisë, pa dallim, brenda ndërtesës apo në oborr, dhe pastruesja e korridoreve flasin me të njejtën gjuhë paramilitare, parapolitike, të dhunëshme. E njejta logjikë!

Mosssssssss! Keni ikur shumë larg në një botë të dhunëshme, të egër, primitive. Çfarë paska mbajt brenda kështu partia demokratike në lidershipin e vet që plasi si qelbi dhe po qelb dynjanë!  Mos vallë ideologjia antikomuniste si slogan e la të pareformuar brenda thellësive të mendjes së vet? Mos vallë antikomunizmi hapi zgavrat e honeve primare të primitivitetit të dhunës e goditjes me shkopinj, me varé, me gazlotësjellës, me çeta banditësh dhe ëndërra me çeta komitësh?