Bardhi replik me Spiropalin/ Pas zgjedhjeve SPAK ka punë me ty dhe ccetën e Rilindjes për abuzimet me pushtetin dhe paratë e shqiptarëve

360
Sigal

Gazment Bardhi, sekretari i Përgjithshëm i PD-së replikon me ministren Elisa Spiropali

Ke të drejtë që nervozohesh, SPAK ka punë me ty pas zgjedhjeve të 25 Prillit

Sekretari i Përgjithshëm i PD-së, Gazment Bardhi, ka replikuar me Elisa Spiropalin, e cila dje u shpreh se PD do katandiset me elektorat inekzistent. Zyrtari i PD-së shprehet se Spiropali nervozohet për shkak të dështimeve të Ramës në tetë vite, si dhe për humbjen e pushtetit.

Elisa Spiropali, Edi Rama dhe çeta e tij janë në shkelje të ligjit. Ata do të japin llogari për thirrjen me dhunë të administratës në takimet e PS-së, përdorimin e lejeve të legalizimit, si dhe për abuzimin me pushtetin dhe paratë

Reagimi i Gazment Bardhit

Ka të drejtë që nervozohet! SPAK ka punë me të para dhe pas zgjedhjeve të 25 prillit. Elisa Spiropali, Edi Rama dhe çeta e tij janë në shkelje të ligjit. Ata do të japin llogari për thirrjen me dhunë të administratës në takimet e PS-së, përdorimin e lejeve të legalizimit apo procesit të rindërtimit për qëllime elektorale, si dhe për abuzimin me pushtetin dhe paratë që u kanë vjedhur shqiptarëve këto 8 vjet. Elisa Spiropali e di se gjuha e padenjë në facebook dhe hetimi nga SPAK janë dy gjëra të ndryshme, prandaj është nervoze. Kjo kohë e vështirë i ka bindur shqiptarët se politikanë si Edi Rama, apo Elisa Spiropali mendojnë vetëm për vete, duke vrarë shpresën dhe mundësitë për shqiptarët. Kjo është arsyeja pse të rinjtë braktisin vendin, pse ekonomia është në krizë, pse shëndetësia është në kolaps, pse numri i të papunëve është rritur. Njerëzit nuk duan të jetojnë në një kënetë, ku mbyten nga pak çdo ditë. Njerëzit duan ndryshim dhe PD është gati për ndryshimin!