Aleksandër Biberaj
Përshëndes vendimin e Këshillit të Europës për tërheqjen e monituruesve nga farsa e 30 qershorit!
Të dashur miq,
Siç mund ta dini, Këshilli i Europës, organizata më e madhe politike në Europë, me rreth 650 deputetë (anëtarë plus zëvendësues) nga 47 vende anëtare dhe një popullsi rreth 820 milionë banorë, vendosi sot të tërhiqte monitoruesut e vet nga farsa e 30 Qershorit. Këshiili i Europës ka një histori dhe traditë 70-vjeçare, në mbrojtje të demokracisë, shtetit të së drejtës, dhe të drejtave të njeriut, ku ndër të tjera bëjnë pjesë edhe institucionet e Asamblesë Parlamentare, Komitetetit të Ministrave, Kongresit të Autoriteteve Lokale dhe Rajonale, Gjykatës së të Drejtave të Njeriut si dhe Komisionerit për të Drejtat e Njeriut. Është hera e parë në historinë e pas viteve ’90, kur KE tërheq monitoruesit e vet nga zgjedhjet, gjë që s’ka ndodhur as në kohen e konflikteve të armatosura Ukrahinë-Rusi, Gjeorgji-Rusi, Armeni-Azerbajxhan, as në kohën e konflikteve të armatosura etnike në Maqedoni, si dhe as nga monitorimi i zgjedhjeve ne Bjellorusi, Moldavi apo ne ish-republikat e tjera te ish-Bashkmimit Sovjetik. KE është institucioni kryesor monitorues i respektimit të standarteve të demokracisë, shtetit të së drejtës si dhe të drejtave të njeriut, në Europë, dhe Kongresi i Autoriteteve Lokale dhe Rajonale është institucioni kryesor për monitorimin dhe çertifikimin e zgjedhjeve vendore në Europë. Tashi është radha besoj e OSBE-ODIHR të tërheqin monitoruesit e tyre nga farsa e 30 Qershorit. Si kolegë por edhe si ish-Zëvendës President i Asamblesë Parlamentare të Këshillit të Europës, falenderoj deputetët e nderuar të KE-së për vendimin e tyre absolutisht të drejtë në respektim të velerave bazë të Europës dhe KE-se për demokracinë, shtetin e së drejtes si dhe të drejtave të njeriut!
