Leonardo DiCaprio ka fituar më në fund një çmim Oscar. Aktori ishte nominuar në kategorinë e aktorit më të mirë protagonist me filmin “The Revenant” dhe mundi konkurrencën e Bryan Cranston (Trumbo), Matt Damon (The Martian), Michael Fassbender (Steve Jobs) dhe Eddie Redmayne (The Danish Girl) për çmimin më të lakmuar në kinematografi.
Ky ishte nominimi i gjashtë për Oscar për DiCaprion, pas 5 nominimeve si aktor dhe një si producent.
Aktori më i mirë joprotagonist u shpall britaniku Mark Rylance (Bridge of Spies), aktorja më e mirë protagoniste Brie Larson (Room) dhe aktorja më e mirë joprotagoniste Alicia Vikander (The Danish Girl).
Çmimin e filmit më të mirë e mori “Spotlight”, ndërsa filmi “Mad Max: Fury Road” ishte filmi që mori më shumë çmime, plot 6.
Oscar-i për regjisorin më të mirë shkoi për Alejandro G. Inarritu (The Revenant).
Lista e plotë e fituesve:
Filmi më i mirë: Spotlight
Aktori më i mirë: Leonardo DiCaprio (The Revenant)
Aktorja më e mirë: Brie Larson (Room)
Aktori më i mirë joprotagonist: Mark Rylance (Bridge of Spies)
Aktorja më e mirë joprotagoniste: Alicia Vikander (The Danish Girl)
Regjisori më i mirë: Alejandro Inarritu (The Revenant)
Skenari më i mirë: Spotlight
Skenari më i mirë i përshtatur: The Big Short
Filmi më i mirë i animuar: Inside Out
Filmi më i mirë i huaj: Son of Saul (Hungari)
Kinematografia më e mirë: The Revenant
Kostumografia më e mirë: Mad Max: Fury Road
Dokumentari më i mirë: Amy
Montazhi më i mirë: Mad Max: Fury Road
Filmi më i mirë i shkurtër: Stutterer
Kolona zanore më e mirë: Ennio Morricone (The Hateful Eight)
Efektet vizuale: Ex Machina
