Brenda Xhamisë së Et’hem Beut, restaurimi nxjerr në dritë motive floreale të fshehura, zbulohet piktura origjinale

150

Restaurimi i Xhamisë së Et’hem Beut, monument kulture i kategorisë së parë, ka nisur vitin e shkuar, me qëllim konsolidimin e pjesëve të dëmtuara nga koha. Grupi i specialistëve po punon me kujdes deri në detajet më të imëta. “Problem ishte shkeputja e piktures nga suporti. Vume mbrojtje me leter japoneze dhe e ngjitem. Teknika eshte me dore te lire, ka mjeshtri”, thekson Adrian Cene, restaurator. Puna ka zgjatur edhe për shkak të situatave që ka kaluar vendi. “Pati deme nga dy termetet ne shtator dhe nëntor. U detyruam te nderhynim serish pas tronditjeve”, shton Cene. E ndërtuar nga fundi i vitit 1700, ndërhyrja e fundit ka nxjerrë në dritë pjesë të fshehura nën struktura të mbivendsoura gjatë kohës. “Zbuluam se kishte fragmente të reja. Ishte në formë stukoja, doli piktura origjianle. “Fshehja” mund të jetë bërë pas viteve 1970”, deklaron restauratori. Xhamia e Et’hem Beut ka qenë pjesë e qendrës historike të Tiranës, nga e cila ka shpëtuar vetëm ajo dhe Sahati.