Një banesë është përfshirë nga flakët në qytetin e Shkodrës. Ngjarja ka ndodhur mesditën e kësaj të hëne pranë Urës Dervishbeg, ndërsa shkak dyshohet shpërthimi i një bombole gazi.
Zjarri ka rënë në një banesë në katin e pestë të një pallati, ndërsa për fat të mirë nuk ka persona të lënduar.
Nga flakët rrezikojnë edhe banesat e tjera të pallatit, për këtë arsye është bërë edhe evakuimi i banorëve.
Mësohet se në banesë jetojnë dy të moshuar, por ata kanë mundur të shpëtojnë.
Forcat zjarrfikëse kanë mbërritur në vendngjarje dhe po punojnë për neutralizimin e flakëve.