Një aksident me pasojë vdekjen ka ndodhur në fshatin Dritan të Prrenjasit.
Një 34- vjeçar nga Korça teksa po drejtonte një automjet ”Volkswagen” ka dalë nga rruga dhe ka humbur jetën.
Ai dyshohet se ka humbur kontrollin e automjetit në rrugën rurale të fshatit ndërkohë grupi hetimor po vijon me punën për të sqaruar shkaqet e kësaj ngjarjeje.
Njoftimi i policisë:
Librazhd/Informacion paraprak
Në rrugën rurale të fshtatit Dritaj, Prrenjas, shtetasi I.D., 34 vjeç, banues në Korçë, duke drejtuar mjetin tip “Volkswagen”, dyshohet se ka humbur kontrollin mbi drejtimin e mjetit dhe për pasojë mjeti ka dalë nga rruga.
Drejtuesi i mjetit ka humbur jetën në vendngjarje.
Grupi hetimor vijon punën për sqarimin e shkakut të aksidentit.
