Policia Kufitare në Rinas ndalon tre persona të shpallur në kërkim për vepra të ndryshme penale. Burime nga policia bëjnë të ditur se në prangat fillimisht ka rënë 60-vjeçari, Bashkim Leka, banues në Tiranë, pasi Gjykata e Shkallës së Parë Tiranë, e ka dënuar me 2 vjet burg, për veprën penale “Prodhimi dhe shitja e lëndëve narkotike”. Ai u ndalua rreth orës 18:00 të ditës së djeshme, në hyrje të SPKM Rinas.
Më pas, rreth orës 21:50 policia ka ndaluar 44-vjeçarin, Alfred Gjoka, banues në Durrës, pasi Gjykata e Rrethit Gjyqësor Durrës, me vendim nr. 417, datë 05.05.2015, e ka dënuar me 1 vit burg për veprën penale “Ndërtimi i paligjshëm”.
Ndërkohë rreth orës 22:00, u ndalua shtetasi L. Çela, 32 vjeç, banues në Fier, i shpallur në kërkim për veprën penale “Vjedhja e energjisë elektrike ose impulseve elektrike”.
