Megaoperacioni ‘Tempulli’/ Burg për 13 persona në Vlorë

71
Sigal

15 persona të arrestuar gjatë operacionit kundër prodhimit dhe shitjes së lëndëve narkotike në Vlorë, janë lënë në arrest me burg.

Ndërkohë, Gjykata e Vlorës ka vendosur lehtësim të masës së sigurisë për pesë të tjerë. “Arrest shtëpie” u vendos për shtetasit Shkëlqim Bakaj, Fatmir Alikaj, Julian Shabani, Eriselda Zekaj, Nikola Selimaj.

Gjyqtari i çështjes Hektori Sinani ka pranuar kërkesën e prokurorit Anton Pali për masë sigurie “arrest me burg” për 13 persona. Ai tregon se për dy gratë është dhënë masa e sigurisë “arrest shtëpie” për shkak të situatës së tyre, pasi kanë fëmijë të vegjël. Ndërsa për tre persona te tjerë masa është ndryshuar për shkak të moshës. Sipas avokatit ata nuk pranojnë që janë shitës, por pranojnë që janë vetëm përdorues.

Një pjesë tjetër e të ndaluarve dolën para gjykatës një ditë më parë. Gjykata dha masën “arrest me burg” u dha për 10 persona: Eduart Ahmeti, Idlir Omeri, Bebeto Basha, Julian Shabani, Klajdi Muca, Ari Myrtaj, Lisandro Murati, Gerand Nebiu dhe Jurgen Breshani.

Aksioni i shtrirë në të gjithë qarkun e Vlorës prej disa javësh ka vënë në pranga 87 persona.