Një aksident me makinë është shënuar mbrëmjen e sotme pranë fshatit Poloskë në Devoll.
Sipas njoftimit policor mësohet se shtetasi me inicialet M.GJ ka humbur kontrollin teksa drejtonte automjetin e tij duke përfunduar jashtë rruge. Ai është dërguar me urgjencë në spital dhe është jashtë rrezikut për jetën.
Njoftimi i policisë:
Devoll/Informacion paraprak
Më datë 24.11.2022, rreth orës 18:30, në rrugën lokale Bilisht-Miras, pranë fshatit Poloskë, shtetasi M. Gj., duke drejtuar automjetin tip “Volkswagen” dyshohet se ka humbur kontrollin dhe automjeti ka dalë nga rruga. Për pasojë është dëmtuar drejtuesi M. Gj., i cili u dërgua në Spitalin e Bilishtit, ku ndodhet jashtë rrezikut për jetën.
Grupi hetimor po punon për përcaktimin e shkaqeve të aksidentit.
