Një konflikt ka ndodhur mes dy të moshuarave në Bilisht, ku sipas informacioneve paraprake, njëra prej tyre dyshohet se i ka hedhur solucion në sy tjetrës.
Ngjarja ka ndodhur për motive të dobëta, ndërsa burime të sigurta raportojnë se e dëmtuara është dërguar në spitalin e Korçës për të marrë ndihmë mjekësore dhe për të verifikuar dëmtimet që mund të ketë pësuar.
65-vjeçarja, e cila është shoqëruar në komisariatin e Devollit, thuhet se ka probleme të shëndetit mendor dhe aktualisht po merret në pyetje nga ana e policisë lidhur me ngjarjen.
