Italia/ Ja si e përfitojnë kartën e fëmijve shqiptarët, mbi 400 euro në muaj për të porsalindur dhe 250 euro për çerdhe

243

Itali/ Përfitimi nga koha e lindjes deri në vitin e tretë, me një tavan të caktuar të ardhurash për familjet përfituese

 Mbi 400 euro në muaj për çdo fëmijë, përfitojnë shumë shqiptarë

 Leja e lindjes për baballarët tashmë zgjatet në 7 ditë

Lëvizja e fundit e shtetit italian, shtet ku jetojnë me qindra mijëra shqiptar, është ajo e “karta e fëmijëve” me shumën prej 400 euro në muaj, që nga koha e lindjes deri në vitin e tretë, me një tavan të caktuar të ardhurash për familjet përfituese. Bonusi i ri i pritet të bëhet se shpejti realitet pasi buxheti i është dërguar ministrive i cili duket më shumë si një “kartë shërbimi” për nevojat elementare të ndryshme: nga tarifat e çerdheve tek kosto e babysitter-it.  Karta e fëmijëve prej 400 eurosh mund të zëvendësojë disa shërbimeve të mëparshme siç janë bonusi i lindjes, bonusi i nënës apo kuponi i çerdhes. Mendohet se kjo manovër është një përfitim më shumë i destinuar për familjet më të varfra ku mund të përfitojnë edhe shumë familje shqiptare që ndodhen në vendin fqinj.

Ministria e Familjes, ka paraqitur  disa tregues të rinj në ndihmë të familjes si dhe tre masat kryesore që do të ndërmerren.

E para, është kompensimi mujor për të gjithë të porsalindurit qysh në vitin 2020, duke filluar nga 80 në 160 euro në varësi të të ardhurave. 160 euro në muaj për familjet me të ardhura të ulëta, ndërsa për më të pasurat 80 euro.

Masa e dytë për shkollat e çerdhet. Pra, familjeve do t’u jepet një kontribut për t’u regjistruar dhe për t’i çuar fëmijët në çerdhe, deri në 250 euro në muaj, që do të thotë 3000 euro në vit. Kjo s’vlen vetëm për të sapolindurit, por për grup moshën 0-3 vjeç.

E treta është leja e lindjes për baballarët që zgjatet në 7 ditë.