Eurostat: Shqiptarët të dytët në botë, për refuzimet e larta nga vendet e BE. Shqiptarët kryesojnë listën e qytetarëve që duhet të largohen, duke u pasuar nga argjentinasit dhe ukrainasit. Rreth 10 mijë shtetas shqiptarë u kthyen gjatë vitit 2020 dhe 23 mijë të tjerë janë urdhëruar të lënë vendet e BE për vitin 2021. Ja katër shtetet ku do nis “fshesa” ndaj shqiptarëve
Shifrat e Eurostat: 23 mijë shqiptarë, u urdhëruan të largohen nga BE
Shqiptarët të dytët në botë, për refuzimet e larta nga vendet e Bashkimit Evropian
Eurostat raporton se numri më i lartë i shtetasve jo-BE, që iu refuzua hyrja në BE në vitin 2020, u vu re nga shtetasit e Shqipërisë (13 300)
Në vitin 2020, rreth 137.8 mijë shtetasve jo-anëtarë të BE-së, iu refuzua hyrja në territorin e Bashkimit Evropian. Gati 10% e këtyre refuzime për hyrje, ishin për shtetasit shqiptarë, të dytët në botë, që u “përzunë”, pas ukrainasve. Të dhënat u bënë të ditura nga Eurostat, në një raport të fundit për zbatimin e ligjit për imigracionin. Eurostat raporton se, numri më i lartë i shtetasve jo-BE që iu refuzua hyrja në BE në vitin 2020, u vu re midis ukrainasve (56 400), pasuar nga shtetasit e Shqipërisë (13 300) dhe Moldavisë (10 200). Sipas Eurostat, rreth 557.7 mijë rezultoi se ishin ilegalisht të pranishëm në një nga Shtetet Anëtare të BE-së. Numri i shtetasve të jo-BE për të cilët u lëshua një urdhër për të lënë një Shtet Anëtar të BE-së, ishte 396.4 mijë persona.
23 mijë shqiptarë, u urdhëruan të largohen, të tretët në botë
Sipas Eurostat, në vitin 2020, rreth 396 400 qytetarë të jo-BE-së, u urdhëruan të largohen nga territori i Shteteve Anëtare të BE-së, me 19% më pak, krahasuar me vitin e kaluar (491 200).
Midis shteteve anëtare të BE-së, Franca raportoi numrin më të madh të qytetarëve jo-BE të urdhëruar të largohen nga territori i saj në vitin 2020 (108 400), pasuar nga Spanja (50 300), Greqia (38 500) dhe Gjermania (36 300).
Në vitin 2020, numri më i lartë i personave të urdhëruar të largoheshin nga një territor i Shtetit Anëtar të BE-së u vu re midis algjerianëve (34 000), marokenëve (33 600) dhe shqiptarëve (23 200).
Rreth 10 mijë shqiptarë u kthyen
Në vitin 2020, rreth 70.2 mijë qytetarë jo-BE për të cilët ishte lëshuar një urdhër për të lënë territorin e një Shteti Anëtar të BE-së, u kthyen në vendet jo të BE-së; një ulje prej 51% kur krahasohet me një vit më parë (142 300).
Gjermania raportoi numrin më të madh të qytetarëve jo-BE të kthyer në vendet jashtë BE-së (12 300) në vitin 2020, pasuar nga Hollanda (8 700), Greqia (7 000) dhe Franca (6 900).
Shqiptarët (9 800) kryesuan listën e qytetarëve jo-BE që u kthyen në një vend jo-BE në vitin 2020, të ndjekur nga gjeorgjianët (5 700) dhe ukrainasit (5 600).
