Tensionet mes dy shteteve/ Deklarata e Erdogan : Emmanuel Macron është një barrë për Francën!

263
Sigal

Presidenti turk, Rexhep Tajip Erdogan, deklaroi të premten se shpresonte që Franca të “çlirohet” së shpejti nga presidenti francez, Emmanuel Macron, duke e përshkruar atë si një barrë për Francën e cila po kalon një periudhë të rrezikshme.

Lidhjet midis Turqisë dhe Francës, dy vende anëtare të NATO-s, kanë qenë veçanërisht të tensionuara gjatë muajve të fundit lidhur me ndryshimet në politikën mbi Sirinë dhe botimin e karikaturave të Profetit Muhamed në Francë.

“Macron është një barrë për Francën. Macron dhe Franca po kalojnë një periudhë shumë të rrezikshme”, u shpreh Erdogan para gazetarëve, duke iu referuar protestave në qytetet franceze.

“Shpresa ime është që Franca të ‘çlirohet nga problemi Macron’ sa më shpejt të jetë e mundur”, u shpreh ai.

 

Ankaraja dhe Parisi kanë shkëmbyer gjithashtu akuza për rolet e tyre në konfliktin e Nagorno-Karabakut.