Përplasje me armë në Greqi, një i vdekur dhe shtatë të plagosur, mes tyre gjashtë policë

95
Sigal

Një i vdekur dhe shtatë të plagosur është bilanci i një përplasje me armë me policinë në qytezën Peramë të Greqisë.

Sipas mediave greke oficerët e policisë i kanë bërë shenjë një shoferi, i cili kishte në mjet edhe dy pasagjerë që të ndalonte për kontroll. Mirëpo, ai nuk i është përgjigjur thirrjes dhe ka shtuar shpejtësinë.

Për pasojë ka nisur një ndjekje e cila ka përfunduar në rrugën Elpidos, në Peramë. Në atë moment drejtuesi i mjetit ka përplasur motorët e policisë dhe më pas efektivët kanë qëlluar.

Njëri nga tre personat humbi jetën, njëri u plagos rëndë. Po ashtu lëndime kanë marrë edhe gjashtë policë. Ndërsa personi i tretë që ishte në mjet, ka arritur të arratiset dhe është në kërkim.