Një tren doli nga shinat në Suedi pasi u përplas me një autobus afër qytetit të Gothenburgut.
Sipas mediave, aksidenti ndodhi të hënën në një vendkalim hekurudhor midis fshatrave Lillhagen dhe Gunnestorp.
Për fat të mirë, asnjë lëndim serioz nuk u raportua si rrjedhojë e këtij incidenti.
“Tre persona kanë shkuar vetë në qendrën shëndetësore me disa lëndime të lehta”, tha policia suedeze në një deklaratë.
Rreth 50 persona ishin në bordin e trenit. Video nga vendi i ngjarjes tregoi një autobus të parkuar, siç duket i bllokuar, në vijën hekurudhore para se të goditej nga treni.
