Papa Françesku ka bërë thirrje për t’i dhënë fund dhunës dhe ekstremizmit, në vizitën e parë papale në Irak.
Papa po bën udhëtimin e tij të parë ndërkombëtar që nga fillimi i pandemisë së koronavirusit.
Covid dhe frika e sigurisë e kanë bërë këtë vizitë më të rrezikshme deri më tani, por 84-vjeçari këmbënguli se ai ishte “i detyruar” ta bënte.
Ai gjithashtu tha që bashkësia e krishterë në rënie e Irakut duhet të ketë një rol më të spikatur si qytetarë me të drejta, liri dhe përgjegjësi të plota.
Ai shpreson të nxisë dialogun ndërfetar – duke takuar klerikun mysliman shia më të nderuar të Irakut – dhe do të kremtojë meshën në një stadium në Irbil në veri.
Rreth 10,000 persona të Forcave të Sigurisë Irakiane janë duke u vendosur për të mbrojtur Papën, ndërkohë që po vendosen po ashtu oraret e ndalimit për të kufizuar përhapjen e Covid.
Kryeministri i Irakut Mustafa al-Kadhimi e priti atë në aeroport, me një tapet të kuq, gjithashtu morën pjesë shumë irakianë me veshje kombëtare.
Qindra njerëz u rreshtuan në rrugën e aeroportit ndërsa autokolona e Papës, e ndjekur nga motorët e policisë, u nis për në qytet.
Por Papa u pa që kishte një çalim të theksuar, duke treguar që gjendja e tij ishiatike vazhdon ta shqetësojë.