Përmbyset makina me shqiptarë në Itali, tre prej tyre në gjendje të rëndë. Ngjarja ka ndodhur në Carditello e sipas mediave italiane brenda saj udhëtonin pesë shtetas shqiptarë.
Makina ka dalë nga rruga dhe ka përfunduar e përmbysur në kufirin me Casaluce.
Brenda saj ishin pesë punëtorë shqiptarë, tre prej të cilëve raportohet se janë në gjendje kritike për jetën.
Nuk ka ende një saktësim për dinamiken e aksidentit, për të cilin nuk përjashtohet edhe një humbje kontrolli nga ana e drejtuesit.
Në vend mbërritën forcat e policisë dhe zjarrfikëses, duke nxjerrë nga makina të aksidentuarit, të cilët u transportuan në spital.
