Policia italiane e Pordenones ka shkatërruar një grup kriminal trafikantësh droge në rajonet e Friuli Venezia Giulia, Veneto e Toskana.
Në pranga janë vënë 4 persona, 3 shtetas shqiptarë e 1 shtetase italiane.
Ndalimi i tyre është bërë në komunën Spilimbergo në Friuli, ndërsa në një magazinë në zotërim të tyre në provincën e Sienës, janë sekuestruar rreth 200 kg marijuanë.
Hetimet prej dy muajsh të policisë italiane kanë zbardhur se ky grup vepronte me anë të dy celulave operative në Pordenone e Firenze.
Baza e tyre ishte në komunën Spilimbergo në Friuli Venezia Giulia ndërsa lëndën narkotike e blinin nga trafikantët e shumicës në territorin e provincës së Sienas e Firences.
