Leonardo DiCaprio e kaloi fundjavën duke dëgjuar performancat fantastike në Coachella dhe duke u argëtuar dhe festuar me Irina Shayk.
DiCaprio dhe Shayk u panë shumë të afërt, megjithëse ajo ishte me një grup miqsh, ndër të tjera edhe me shokun e ngushtë të Leo-s, Toby Maguire.
Ndërsa në Coachella ishte edhe ish-partnerja e DiCaprio, Camila Morrone. Një burim tha për ET se Camila dhe Leo ishin në “Revolve Festival” në të njëjtën kohë dhe Camila mbërriti fare pak para Leo-s dhe ishte duke u argëtuar me Emma Roberts dhe Suki Waterhouse. Pra, një siklet më shumë.
Sërish, burimi konfirmoi se DiCaprio dhe Morrone mbajtën distancën nga njëri-tjetri, ndërkohë që ai po kalonte shumë kohë me Shayk. Nëse të mbahet mend, Shayk u rikthye disa kohë me ish-in e saj, Bradley Cooper, me të cilin ka edhe një vajzë 6-vjeçare, të quajtur Lea.
Jemi paksa të paqartë se si është puna, por sa të marrim vesh ndonjë gjë, do të të themi.
