“Ai mbërriti në Nettuno me tren, qëndroi në shtëpinë e motrës dhe kunatit të tij në periferi, në Via degli Abruzzi në zonën Le Grugnole, ndërsa pas disa orësh përfundoi i vrarë”, kështu e përshkruajnë mediat italiane vdekjen e shqiptarit Shpend Allushi, 45- vjeç.
Pas një konflikti me burrin e motrës Luan Zalta, ky i fundit ka marrë armën e gjahut dhe e ka lënë të vdekur.
Mbasi kreu krimin ishte Luani ai që lajmëroi policinë duke rrëfyer incidentin.
Krimi ka ndodhur rreth orës 11:30 në shtëpinë e tij në Foglino, por gjithçka filloi disa orë më parë.
Viktima, Shpendi Allushi, 45 vjeç me origjinë shqiptare, kishte lënë gruan e tij në Casal di Principe për të arritur në Nettuno tek motra.
Përplasja mes tij dhe burrit të motrës ndodhi në sytë e gjithë familjes.
“Ejani, pati një tragjedi”. Me këto fjalë Zalta paralajmëroi karabinierët dhe u dorëzua duke treguar trupin e kunatit të pajetë në tokë.
Trupi i Allushit u dërgua në morgun e Institutit të Mjekësisë Ligjore Tor Vergata.
Arma e përdorur për vrasjen nuk ishte e regjistruar.
Ndërsa sipas familjarëve mes tyre ka pasur edhe në të shkuarën mosmarrëveshje.