NATO ka dëbuar tetë anëtarë të misionit rus pranë aleancës ushtarake, nën dyshimet se punonin në fshehtësi si agjentë të zbulimit.
“Mund të konfirmojmë se kemi tërhequr akreditimin e tetë anëtarëve të misionit rus në NATO, të cilët ishin punonjës të padeklaruar të inteligjencës ruse”, tha një zyrtar i NATO-s.
Aleanca nuk ka dhënë shpjegime lidhur me vendimin që futet në fuqi në fund të tetorit. Ligjvënësi rus Leonid Slutsky, kreu i komisionit të çështjeve ndërkombëtare të dhomës së ulët të parlamentit, tha se Moska do të hakmerrej, por nuk dha detaje.