844 viktima brenda një dite/ COVID-19 po bën ‘kërdinë’ në Spanjë, ushtria do të nisë transportin e trupave të pajetë

60

Spanja është një nga vendet më të prekura me COVID-19. Numri i viktimave nga koronavirusi në këtë shtet ka shkuar në 5,982, ndërsa të infektuar janë 73,235 të tjerë. Ndërkohë betejën me virusin e kanë fituar 12,285 persona.

Edhe Spanja, ashtu si Italia do të përdorë ushtrinë që të transportojë trupat e pajetë. Ky lajm është dhënë nga Ministria spanjolle e Shëndetësisë, pasi një ditë parë humbën jetën 844 persona.

”Ushtria spanjolle do të duhet të ndërhyjë për shkak të një numri dërrmues viktimash dhe pamjaftueshmërisë së shërbimeve funerale”, njoftoi ministria.