Zgjedhjet në UT, stafi akademik zgjedh si rektor Mynyr Koni

352
Po shkon drejt një fitoreje të sigurt të garës për Rektor të Universitetit të Tiranës prof. Mynyr Koni. Nga numërimi i votave të pedagogëve ai ka marrë 460 të tilla ndërsa rivalja e tij Klodeta Dibra numëron gati gjysmën e tyre me vetëm 243 vota. Universiteti i Tiranës ka 760 pedagogë dhe 28 mijë studentë. Megjithatë vota e studentëve ka vetëm 10% të vlerës totale në numërim kështu që edhe sikur të gjithë studentët të kenë votuar për Dibrën, Koni është matematikisht fitues i garës megjithëse procesi i numërimit nuk ka përfunduar ende. 
Universitetet publike në vend zhvilluan zgjedhjet për drejtuesit e rinj të cilët përfshijnë: 14 rektorë, 55 dekanë dhe 155 shefa departamentesh. Ne 14 institucionet e arsimit te larte në vend procesi i votimit nisi normalisht në orën 8.00 dhe përfundoi në orën 16:00. Kandidatet për Rektorë dhe Dekanë kanë votuar në orët e paradites në qendrat e votimit ngritur në fakultetet përkatëse. Gara më e ashpër ishte në Universitetin e Tiranës.