Eshte shpallur në kërkim për vrasje, arrestohet në Kakavijë shtetasi me inicialet A.H, 44-vjeç, banues në Fier
Ky i fundit, akuzohet se, në vitin 2008 ka vrarë shtetasin shqiptar F.K, ngjarje e ndodhur në Greqi.
Sipas policisë, 44-vjeçari ishte kthyer “Deportiv” nga pala greke ndaj edhe rezultonte i shpallur në kërkim për vrasjen e një shqiptari F.K në vitin 2008.
“Ndalohet një shtetas i shpallur në kërkim për veprën penale “Vrasje e kryer në bashkëpunim”. Shërbimet e Policisë Kufitare në Pikën e Kalimit Kufitar Kakavije, gjatë përpunimit të dokumentacionit dhe verifikimeve të kryera në bashkëpunim me Interpol Tirana, Drejtorinë Vendore të Policisë Fier, si dhe nga të dhënat në sistemin “TIMS”, ndaluan shtetasin A.H., 44 vjeç, banues në Fier.
Gjykata e Rrethit Gjyqësor Fier, në Tetor të vitit 2016 ka vendosur masën e sigurisë “Arrest në burg”, për veprën penale “Vrasje e kryer në bashkëpunim”, parashikuar nga neni 76-25 i Kodit Penal, pasi dyshohet se shtetasi A.H., në vitin 2008 ka vrarë shtetasin F.K.(shtetas shqiptar), ngjarje e cila ka ndodhur në shtetin Grek. Shtetasi i lartpërmendur iu dorëzua Drejtorisë Vendore të Policisë Fier për veprime të mëtejshme”, thuhet në njoftimin e Policisë së Shtetit.
