Policia ka arrestuar një person në Durrës dhe ka shpallur në kërkim një tjetër për vjedhje.
Blutë bëjnë me dije se është vënë në pranga i riu me iniciale S. A., 22 vjeç, pasi së bashku me shtetasin tjetër S.A. kishin vjedhur banesën e tre studentëve.
Autorët kishin marrë me qera një banesë në të njëjtin pallat ku jetonin studentët dhe i kishin vjedhur këta të fundit nën kërcënimin e thikës.
Policia sekuestroi në cilësinë e provës materiale 4 telefona, dy çanta dore dhe një sasi parash.
Durrës/ Njoftimi i policisë:
Vodhën nën kërcënimin e thikës në banesën e tre studentëve, por falë reagimit të menjëhershëm të Policisë, njërit prej studentëve dhe banorëve të zonës kapet gjatë ndjekjes njëri nga autorët, ndërsa autori tjetër ka mundur të largohet, por është identifikuar dhe shpallur në kërkim.
Në një banesë në lagjen nr. 15, Durrës, në të cilën banonin me qira tre studentë, rreth orës 04:00 të mëngjesit kanë hyrë dy persona dhe nën kërcënimin e një thike u kanë marrë 800 euro.
Njëri prej studentëve ka njoftuar Policinë dhe është vënë në ndjekje të autorit. Falë reagimit të menjëhershëm të Policisë, dhe ndihmës së banorëve të zonës është bërë e mundur kapja në flagrancë e njërit prej autorëve, konkretisht S. A., 22 vjeç, banues në Vlorë, me precedent penal në fushën e vjedhjes.
Si rezultat i veprimeve të para të kryera nga specialistët për hetimin e krimit në Komisariatin e Policisë Durrës u bë i mundur identifikimi i autorit tjetër S. A., banues në Vlorë dhe vijon puna për kapjen e tij.
Autorët e dyshuar kishin disa ditë që jetonin me qira në një nga hyrjet e pallatit ku jetonin edhe tre studentët
Në cilësinë e provës materiale u sekuestruan 4 telefona , dy çanta dore dhe një sasi parash.
Vijon puna për dokumentimin e plotë të ngjarjes dhe kapjen e personit të shpallur në kërkim.
Materialet i kaluan Prokurorisë së Rrethit Gjyqësor Durrës, për veprime të mëtejshme.
