Ata nuk kishin asnjë kundërshtar në këto zgjedhje. Anëtarët e komisionit të qendrave të votimit ishin të gjithë socialistë, anëtarët e KQZ-së të katër socialistë, në qendrat e numërimit po socialistë dhe në fund, edhe aty vjedhin dhe nuk dinë ta fshehin.
Komisioni Qëndror i Zgjedhjeve si kurrë më parë në çdo proces tjetër dha shifrat tre orë pasi ishin mbyllur të gjithë qendrat e votimit. Rrit e rrit shifrat për të rrumbullakosur më shumë se 21.6 %, aq ua kërkonte paria më lart, ata që u shkrehën në djersë dhe në fund qanë nga “emocionet e suksesit”.
Po vota e tepërt të del, duke rrëzuar të gjithë procesin, ndonëse që në nisje ishte tërsisht fars, me fitues të paracaktuar, çështja ishte vetëm për pjesëmarrjen. Jemi para një fakti të rëndë, që edhe të vetëm në zgjedhje, vjedhjet nuk mungojnë, por diku në përllogaritje nuk i rakorduan shifrat ata që jepte KQZ dhe ata që mbushnin kutitë në komisionet e qendrave të votimit.
Deri më tani tetë bashki normalisht të fituara me trimf revolucionar nga Rilindja e kryeministrit Edi Rama, që e bëjnë pis gjithë procesin, ndonëse pak njollë në zhulin e Rilindjes nuk ua ndjen më, praktikisht jemi në komunizëm.
Domethënëse është Ura Vajgurore. Sipas shifrave zyrtare të KQZ-së në votime kanë marrë pjesë në votime gjithsej 5900 votues, por në fund kryebashkiakja fitoi me 7666 vota, ose 1766 vota “fantazëm”. Gjithashtu histerizmi vijon në Vorë ku kanë marrë pjesë në votime gjithsej 6120 votues, por fitues është shpallur 6208 vota. Në Memaliaj morën pjesë në votime gjithsej 4150 votues, por në fund të numërimit kandidati socialist fitoi 4206 vota.
Në Malësinë e Madhe, sipas KQZ-së morën pjesë në votime gjithsej 7600 votues, por kandidati socialist fitoi me 7772 vota (+ 493 vota të kandidatit tjetër i pavarur). Në Lushnjë, nga KQZ u tha zyrtarisht se marrën pjesë në votime gjithsej 27243 votues, por kandidati socialist ka fituar me 28086 vota. Në Himarë, morën pjesë në votime gjithsej 4162 votues, por kandidati socialist fitoi me 4209 vota. Në Divjakë, kanë marrë pjesë në votime gjithsej 13000 votues- Ka fituar me – 13513 vota. Në Bulqizë, kanë marrë pjesë në votime gjithsej 7500 votues- Ka fituar me – 7529 vota (+ 543 vota të kandidatit tjetër).
Vjedhja dhe mbushja e kutive për të rritur pjesëmarrjen ka qenë mjaft e trashë, për të dalë në një proces tërësisht të manipuluar. Në drekë pritet të dalin në një raport paraprak edhe vëzhguesit e OSBE/ODHIR, por edhe këta të huaj të shqiptarizuar dhe ndotur nga ngjyrat e mavijosura të Rilindjes, nuk dihet se çfarë qëndrimi do të mbajnë. Mund ti quajnë edhe zgjedhje të lira, të ndershme, demokratike dhe pa incidente.
Mund të ketë edhe një shpjegim tjetër. Votat në kuti duke qenë të një “rrace të pastër”, vendosen të bëjnë “seks” dhe “lindën” disa vota rrugës….
Arsyeja tjetër është se komisionerët zbatuan urdhrat që vinin nga lart, për të realizuar “planin” 107.7 % dhe armiku të pëllcasë nga fanari ndriçues i Rilindjes sonë.
Boldnews.al
