Një shqiptar, i identifikuar si Fatmir Ferko, është arrestuar në Turqi pasi u kap duke transportuar drogë. Sipas mediave vendase, një kamion i cili vinte nga Shqipëria është ndaluar dhe kontrolluar nga policia turke me dyshimet për lëndë narkotike.
Pas kontrolleve, forcat e policisë gjetën në dyshemenë e kamionit 122 kilogramë drogë.
Autoritet turke kishin marrë informacion se do të hynte një sasi droge nga Shqipëria në Stamboll. Ata ndaluan kamionin ku dyshohej se po transportohej lënda narkotike në Takirdag.
Gjatë kontrollit u gjetën dhe sekuestruan 122 kilogramë lëndë narkotike të fshehura në dyshemenë e kamionit dhe u vu në pranga shoferi shqiptar.
Raportet
Edhe në vitin 2021, sipas EUROPOL, Shqipëria mbetet një burim kryesor i trafikimit të kanabisit në Bashkimin Evropian dhe kërcënim për ekonominë dhe shoqërinë e Evropës. Në këto konkluzione del raporti mbi “Vlerësimi i Kërcënimit nga Krimet e Rënda dhe të Organizuara” i Policisë Evropiane, e cila u publikua të hënën. Sipas Europolit, 40 për qind e rrjeteve kriminale aktive në BE merren me tregtimin e lëndëve narkotike.
