Nënkryetari i Partisë së Lirisë Petrit Vasili me anë të një postimi ka shkruar në lidhje me Ligjin e Dosjeve se “përpëlitjet rilindase” me të janë thjesht një përpjekje mjerane, që nxjerr në shesh dështimin e Ramës dhe lemerinë që ka pushtuar pushtetin nga frika e humbjes.
Rilindja me gjithë Autoritetin e Manipulimit të Dosjeve janë sot nën akuzë për plot gjashtë vepra penale. Edhe përpjekja e dështuar me turp për ta mbyllur çështjen përmes Prokurorisë së kapur, u rrëzua nga Gjykata, e cila urdhëroi hetim të plotë të të gjitha manipulimeve e mashtrimeve të Autoritetit të Manipulimit Dosjeve, të bëra me urdhër të Edi Ramës.
Tani të gjitha veprat penale, që rëndojnë mbi ta do hetohen deri në fund dhe asgjë nuk i shpëton dot ata nga dënimi sipas ligjit. Mc Gonigalët rilindas nuk fshihen dot askund dhe gjykimi mbarëpopullor do t’i ndëshkojë ata shumë rreptë, siç e meritojnë për të gjithë të zezat, që i kanë shkaktuar popullit dhe interesave kombëtare.”
