50-vjeçari nga Fieri Ahmet Toska u vra me armë zjarri në kokë pranë banesës së tij dhe dëshmitare për këtë krim ka qenë vetë gruaja e tij.
Pas krimit, autori i dyshuar është larguar nga vendi i ngjarjes, ndërsa ulërimat e gruas kanë alarmuar lagjen.
Mësohet se Ahmet Toska ishte duke përcjellë gruan e tij për në punë, ashtu si çdo ditë, ndërkohë që personi ende i paidentifikuar e ka qëlluar me armë zjarri nga afër në kokë.
Policia dhe FNSH kanë ngritur pika kontrolli për identifikimin dhe kapjen e autorit të krimit.
Njoftimi i policisë:
Sot rreth orës 06:00, në lagjen “Sheq i Madh” Fier, nga një person ende i paidentifikuar, është vrarë në rrugë me armë zjarri shtetasi A. T., 50 vjeç banues në lagjen “Sheq i Madh”, Fier.
Në vëndngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
