Policia ka nisur prishjen e disa dyqaneve dhe banesave pranë zonës së Selvisë. Veprimi i policisë ka hasur kundërshtimin e pronarëve, të cilët e kanë cilësuar një veprim antiligjor. Siç duket në videon e siguruar nga “Balkan Web”, disa nga pronarët kanë zgjedhur të ngujohen brenda godinave për të kundërshtuar policinë.
“Është veprim antiligjor, jemi me certifikata pronësie. Bashkia nuk ka sjellë asnjë shkresë a vendim prishjeje. E kemi denoncuar veprimin në polici, policia mban anën e bashkisë. Objekti ka shërbyer si postë 50 vite me parë, ndërtesa është 90 vjeçare.
Pronaret e kemi privatizuar në 90 ndërsa më vonë me leje bashkie e kemi rikonstruktuar konform ligjeve. Lajmin e prishjes e kemi mësuar nga subjeketet që ia kemi lënë me qera. Jemi pronarë të ligjshem nuk dimë ku të ankohemi.”-janë shprehur pronarët.
Dhjetëra punonjës të policisë kanë ardhur për të mbështetur Bashkinë. Më herët INUV ka prishur një dyqan ngjitur.
