Pas tërmetit të fortë të pasdites së djeshme që vuri edhe njëherë në panik banorët e kryeqytetit, IGJEUM ka regjistruar të tjera lëkundje, por me një magnitudë që ka ardhur në ulje.
Sipas të dhënave që ka publikuar IGJEUM në faqen e vet zyrtare, tërmeti i djeshëm me magnitudë 4.3 me epiqendër 9 kilometra në Veri të Durrësit, është pasuar me tre goditje të tjera që i takojnë datës 19 dhjetor.
Ndërkohë që për sot, më 20 dhjetor, gjithnjë referuar IGJEUM janë shënuar dy goditje tërmeti.
Lëkundja më e fundit është regjistruar në orët e mëngjesit, me magnitudë 1.4 dhe me epiqendër në Gjirin e Lalzit.
