Rikthehen reshjet e dëborës në Korçë, trashësia shkon deri në 10 centimetra

19
Sigal

Rikthehen reshjet e dëborës në qarkun e Korçës në lartësitë mbi 1400 metra.

Mësohet se në aksin rrugor Boboshticë- Dardhë trashësia e dëborës ka shkuar deri në 10 centimetra.

Gjithashtu reshjet e dëborës me intensitet të ulët janë regjistruar edhe në zonat malore të Pogradecit dhe Maliqit përfshirë edhe Malin e Thatë. Ndërsa i gjithë rajoni juglindor është përfshirë nga reshjet e shumta të shiut prej orëve të para te mëngjesit.

Është punuar për pastrim dhe kriposje në aksin Boboshticë-Dardhë dhe aktualisht qarkullimi i mjeteve kryhet pa probleme.

Nga reshjet e shiut dhe të dëborës temperaturat janë ulur ndjeshëm, aktualisht termometri shënon 4 gradë.

Kontraktorët janë në gatishmëri për çdo situatë të krijuar nga moti.