Presidenti i Republikës, Ilir Meta, ka shpërndarë postimin e Komisioneres së Lartë të Këshillit të Europës për të Drejtat e Njeriut, Dunja Mijatoviç, e cila i bëri sot thirrje Kuvendit të rishikojë projektligjet për paketën anti-shpifje. Kreu i Shtetit thotë se Shqipëria nuk ka ka nevojë për rekorde të tjera negative. Më tej, Ilir Meta kritikon nismën maxhorancës për “antishpiifjen”, ku i bën të ditur se pa media të lirë, rruga europiane e vendit do shndërrohet në mision të pamundur.
Postimi i Metës:
Shqipëria nuk ka nevojë për rekorde të tjera negative ndërkombëtare! Mjaft me nxitimin për t’i shtuar ato më tej!Shqetësimet e komunitetit të gazetarëve dhe të partnerëve tanë duhet të dëgjohen me shumë vëmendje dhe përgjegjshmëri! Pa media të lirë dhe të pavarur, rruga e Shqipërisë drejt Bashkimit Europian është e pamundur!
