Prej më se tri ditësh zjarri ka përfshirë Fierin dhe qyteti vijon të jetë i mbuluar nga tymi i krijuar nga djegia e mbetjeve në landfill, duke krijuar një emergjencë mjedisore. Edhe pse koha është e mirë dhe me diell, rrezet e tij bllokohen nga reja e tymit të mbetjeve urbane.
Pavarësisht se nuk ka më flakë, sërish situata në landfillin e Fierit mbete shumë problematike, për shkak të tymit që vijojnë të gjenerojnë mbetjet që u dogjën. Mjete të tonazhit të rëndë po punojnë për mbulimin me dhé të mbetjeve që çlirojnë tym, por sërish ka ende shumë punë për t’u bërë. Në landfillin e Mbrostarit depozitohen mbetjet që prej fillimeve të viteve ‘90.
