A do e ‘katapultojnë’ në Gjykatën Kushtetuese vettingasen Genta Bungo, misionaren e genocidit në drejtësi që binte dakort për shkarkime të gjyqtarëve me lista
Adriana Kalaja
Ajo që po ndodh këto vite me Gjykatën Kushtetuese, është se puçin ndaj saj, e bëjnë organet e reja drejtuese, të dala nga “Reforma në Drejtësi”, e cila vetëm nga SHBA, është mbështetur me 270 milion USD, përveç të tjerave. Të gjithë e pamë sesi papritur, Sokol Sadushi, veterani me shall pioneri të Enverit, fillon të shpallë vendet vakante në Gjykatën Kushtetuese. Me një qëllim të qartë e urdhër politik. Dihet nga kush, se këtë nuk e llogarisin as për të harxhuar kohën apo minutat e një telefonate.Çfarê fshihet pas kësaj?Kontrolli 100% i gjykatës më të rëndësishme në vend nga Lajet e partisë. Të të gjithë gjinive qofshin. Kjo, edhe me mbështetjen e Sudeve lulzimse.Pse do pyesnit Ju? Për nivelin e paranojës dhe psikopatisë ku jeton Sulltani i Surrelit, edhe 1 votë kundra ndaj 8 atyre pro, e nxjerrin nga “shinat” e arsyetimit normal të një qytetari pa pushtet. Se të këtij gjithëpushtetshmit dihet.Ashtu siç pritej, meqenëse mandati i anëtarëve të Këshillimit të Emërimeve në Drejtësi (KED), përfundon më 31 dhjetor 2025, nxitimi për ta mbushur këtë gjykatë me Lajet e rradhës, se nuk dilnin ato që ishin aty, mori jetë nga vullneti i pakrahasueshëm i njërit prej Sokolêve të partisë, Sadushit, i cili vetë në këtë post është pa një rivlerësim kalimtar, apo siç njihet, vetting.Pasi mbylli hesapet me vendin e Kryetares aktuale të kësaj gjykate (pasi me shumë ? ishte dhe “dorëheqja” e znj. Toska), çuditërisht me një tërheqje aspak morale dhe ligjore për interpretim nga Komisioni Venecias për mandatin e saj, ka filluar betejën për vendet e tjera të kësaj gjykate.Qëllimi dihet, por le të meremi me Lajen e re që pritet ti bashkohet atyre ekzistuese (ndjesë për ato që nuk janë të tilla dhe që kanë vlerësim maksimal).Sipas njoftimit të KED pritet që ditën e hënë, datë 21 korrik të procedohet me zgjedhjen e Lajes së re.Ndërkohë, sipas infove jozyrtare, mbledhja është mbajtur dje, dhe pas debateve shumë të forta, 5 Lajet e partisë në KED, kanë votuar pro, kundër 4 votave të gjyqtarëve me integritet moral, për kandidaturën e Lajes Genta Bungo (foto2), një prej Lajeve më të devotshme në zbatimin e urdhërace politikë e kriminalë për shkatërrimin e sistemit të drejtësisë.Mos harroni se anëtarët e KED, që nuk zhgënjyen edhe këtë herë duke i’u bindur urdhërave të politikës e krimit, ndaj të cilëve megjithëse sot amnistohen nga SPAK, por nesër Ju garantoj që jo, janë:1. Sokol Sadushi (GJL).2. Marjana Semini (GJK).3. Etjen Kapo (PPA).4. Ilir Toska (GJK).5. Alma Muça (PP).
Përveç se Laja e re, ka probleme shumë të rënda me profesionalizmin dhe korrupsionin, të gjithë e dinë sesi iu mbyllën dosjet penale në SPAK.Si do thoni Ju?Ashtu si u emërua dhe në kushtetuese.
Duke i bërë presion porositësave të listave se kush do e kalonte e kush jo vettingun. Nga Rama, Agaçi, Xhafaj, Sadushi & CO. Dhe sot ajo po u kthen “reston”. Njërin prej proces verbaleve të Komisionit të Pavarur të Kualifikimit, ku Laja Bungo ishte Kryetare (foto 3), po e përcjell para Jush, për të parë sesi bihej dakort për shkarkime me lista, dokument për të cilin filluan dhe procedimin penal ndaj meje, të cilin po vetë e mbyllën, se ishin të bindur që si ky proces verbal, në KPK ka me qindra, të cilat lidhen direkt me reformën në drejtësi, si një genocid i pastër ndaj interesave të publikut shqiptar.Dhe çfarë e bën më interesante këtë histori, që në fakt do jetë turpi ynë nëse harrojmë e nuk e çojmë deri në fund këtë histori?Se kjo Laja, bashkë me Lajet e tjerë, njëri me probleme të rënda penale korruptive (dhe të ngacmimeve seksuale kur ishte pedagog në Shkodër) dhe tjetra, supër e korruptuar, njëjtë si e motra, Bel(l)a Mafia, kanë vendosur që një mafioze e korruptuar dhe me probleme të rënda penale si Irena me 3 mbiemra, të kalojë vettingun (foto 4).Ajo që mua më shqetëson si qytetare, por edhe si avokate, është fakti se pse nuk vepron kryesisht SPAK, kur në mënyrë vijuese, organet e reja që kanë dalë nga “Reforma në Drejtësi”, ajo që në fakt SHBA, pagoi 270 milionë USD, emërojnë në pozicione të ndryshme, pikërisht ato që përfliten në publik për javë e muaj të tërë?Apo edhe Dumanit i bëhet presion me listat?Të shohim.Ju e dini që unë nuk i lë Kauzat ku besoj në rrugë, pavarësisht pasojave.E vetmja gjë që unë nuk kam informacion të plotë për momentin dhe për të cilën kam “besim” se SPAK do hetojë është, se cila nga dy përmbarueset e pazareve të tij, Sulltani i Surrelit do emërojë në krye të kushtetueses:1. Lajen Genta Bungo? 2. Suden Marsida Xhaferllari?Të presim e të shohim, por kujdes.Unë vazhdoj rrugën time dhe Lajet e Sudet e dinë mirë. Llogaritë sesa nga 270 milionë USD të taksapaguesve amerikanë, kanë grabitur Lajet e partisë dhe Sudet e Lulzimit, do i shihni shumë shpejt.Madje do paguajnë çdo qindarkë.Ju e dini që unë e mbaj fjalën.
Kujtesë nga Telegraf/ Faktet që tregonin kapjen e drejtësisë: Si u përzgjodh Genta Bungo në shkelje të kritereve
Miliona euro janë hedhur në kosh pasi Reforma në Drejtësi po pranohet çdo ditë e më hapur se është një dështim pasi janë emëruar në poste persona në shkelje të ligjit duke i bërë ata të shantazhueshëm. Persona që nuk plotësonin asnjë nga kriteret e kërkuara për të qenë anëtarë të Komisioneve vlerësuese janë ata që kanë dhënë vendime për subjektet që janë vetinguar.
Në lidhje me komisioneren Genta Tafa (Bungo), e cila duket se është edhe strumbullari i të gjitha shkeljeve dhe parregullsive me manovrat e saj. “Anëtarja e Komisionit të Pavarur të Kualifikimit Genta Tafa është zgjedhur në kundërshtim me ligjin procedural dhe material dhe në shkelje të ligjit procedural znj. GentaTafa nuk ka paraqitur dokumente për kushtet ndaluese të nenit 6/1 të ligjit 84/2016 si: Nuk ka masë disiplinore në fuqi, nuk ka ushtruar funksione politike në administratën publike ose nuk ka mbajtur pozicione drejtuese në një parti politike gjatë 10 viteve të fundit; nuk ka qenë anëtare e Grupit të Ekspertëve të Nivelit të Lartë pranë Komisionit të Posaçëm Parlamentar për Reformën në Sistemin e Drejtësisë, ose ekspert i caktuar nga partitë politike, si dhe Ministri i Drejtësisë; nuk ka nisur një hetim penal; nuk ka qenë anëtar, bashkëpunëtor ose i favorizuar nga ish-Sigurimi i Shtetit para vitit 1990, sipas ligjit “Mbi të drejtën e informimit me dokumentet e ishshërbimit të sigurimit të Republikës Popullore Socialiste të Shqipëri”. Nga ana jonë është marrë vesh informacioni jozyrtar se Genta Tafa Bungo ka dy masa disiplinore në fuqi të padeklaruara sipas ligjit në fuqi. “Tafa ka një vjetërsi pune të provuar për vendin që ka konkurruar në masën 6 vjet e 4 muaj shumë larg vjetërsisë prej 15 vjetësh të kërkuar nga neni C/5 e aneksit të Kushtetutës. Dhe këtu nuk ka asnjë arsyetim nga Avokati i Popullit dhe ONM se si i ka plotësuar kriterin e vjetërsisë zonja ishdrejtuese e KPK, tashmë anëtare, por e zgjedhur më herët kryetare në kundërshtim me përcaktimet ligjore dhe ato kushtetuese. “Genta Tafa ka falsifikuar vërtetimin me nr. 17, datë 07.02.2017, formular standard i Avokatit të Popullit. Këtë falsifikim zonja Tafa e ka kryer në bashkëpunim me punonjësen e këtij institucioni, shtetasen Malbora Aga, ku në këtë vërtetim janë paraqitur të dhëna të pavërteta dhe pikërisht pikën 5 të këtij vërtetimi, ku pretendohet se Genta Tafa ka depozituar dokumentin që provon se ka plotësuar kriterin e vjetërsisë në punë dhe në rastin aktual mbi 15 vjet punë…”
