Mjekët kanë paralajmëruar ditën e nesërme një protestë në oborrin e Qendrës Spitalore Universitare ‘Nënë Tereza’.Mësohet se bluzat e bardha kanë kërkuar leje në polici për të vijuar protestën, ndërsa iu është refuzuar.Nga ana tjetër policia në përgjigjen e saj pohoi se nuk lejohen grumbullimet në kohë Covid-i. Nga ana e tyre, mjekët kanë kërkuar rritje e vlerësueshme e trajtimit financiar të personelit sipas peticionit të dërguar në redaksinë e gazetës “Telegraf”.‘Të bëhet sigurimi i jetë së personelit shëndetësor’, thanë mjekët.Shkresa është firmosur nga mjekët: Anika Dokle, Arjan Harxhi, Arjan Mezini, Artan Distafa, Alban Dibra si dhe Gentian Stroni. Po ashtu mes mjekëve që kanë firmosur është dhe Alfred Gega, Alert Xhaja, Alketa Hoxha, Altin Kuqo, Arvin Dibra si dhe Amarildo Belshi.
P E T I C I O N
I nderuar z. Kryeministër,
E nderuar Znj. Ministre e Shëndetësisë dhe Mbrojtjes Sociale
Të nderuar anëtarë të Komisionit për Punën, Çështjet Sociale dhe Shëndetësinë
Sindikata e Punonjësve të Shërbimit Shëndetësor, SPSHSH,ka përcjellë me shqetësim të gjithë situatën e krijuar brenda sistemit shëndetësor për shkak të pandemisë së Codid-19. Humbja e jetës së kolegëve tanë dhe prekja e një pjese të mirë të pjesëtarëve të personelit shëndetësor, ngre përgjegjësinë e Sindikatës në mbrojtjen e shëndetit dhe jetës së punonjësve shëndetësorë.
Me qëllim garantimin e shëndetit dhe jetës së punonjësve shëndetësorë, si dhe minimizimin e pasojave sociale-ekonomike të personelit të prekur nga sëmundja, Sindikata ju drejtohet me kërkesat e mëposhtme:
- Të shpallen dëshmorë të kombit të gjithë ata punonjës shëndetësorëtë cilët humbin jetën në luftë me këtë armik të padukshëm.
- Të garantohet sigurimi i jetës të punonjësve shëndetësorëme qëllim që familjet e tyre të mund të vazhdojnë jetën edhe pas fatkeqësive të mundshme dhe të pashmangshme në këtë luftë.
- Të garantohet rritje e vlerësueshme e trajtimit financiar të personelit shëndetësor.
- Të garantohen kushte optimale në punëpër parandalimin dhe mbrojtjen nga infeksionitë të gjithë punonjësve shëndetësorë të çdo niveli,në zbatim të standarteve kombëtare dhe ndërkombëtare tëpërshtatura për këtë situatë të sigurisë dhe shëndetit në punë.
Sindikata e Punonjësve të Shërbimit Shëndetësor është e hapur dhe e gatshme për bisedime me Ministrinë e Shëndetësisë dhe Mbrojtjes Sociale me qëllim diskutimin e secilës prej kërkesave të parashtruara më sipër.
Në rast tëmosreagimit të institucioneve dhe mosplotësimit të kërkesave të shprehura në peticion, SPSHSH do të përshkallëzojë veprimet e saj.
Me respekt,
Kryesia e Sindikatës
- Gentian Stroni Infektiolog
- Alban Dibra Kardiolog
- Alfred Gega Kirurg
- Alert Xhaja Dermatolog
- Alketa Hoxha Neonatologe
- Altin Kuqo Neurolog
- Amarildo Belshi Okulist
- Anika Dokle Obsetre
- Arjan Harxhi Infektolog
- Arjan Mezini Pneumolog
- Artan Distafa Kirurg
- Arvin Dibra Kirurg
- Diamant Shtiza Pediater
- Edmond Puca Infektivolog
- Edvin Prifti Kardiokirurg
- Erisa Mane Fizioterapiste
- Fatos Olldashi Neurokirurg
- Geri Husi Endokrinolog
- Gezim Xhepa Kirurg
- Gjergj Andrea Kirurg
- Lordian Nuci Anestezist
- Maksi Basha Imazherist
- Marjeta Tanka Imazheriste
- Sokol Xhepa Angiolog
- Ridvan Alimehmeti Neurokirurg
