Një vajzë 5-vjeçare nga zonat e përmbytura në Shkodër është transportuar me urgjencë drejt spitalit.
E mitura ka shfaqur shenja të helmimit dhe orët e fundit gjendja e saj shëndetësore është përkeqësuar.
Është bërë i mundur transportimi i vajzës me varkë deri në vendin ku po priste ekipi mjekësor pasi hyrja në fshat e ambulancës ishte e pamundur nga niveli i lartë i ujit.
Fshatrat rreth Shkodrës gjenden nën pushtetin e ujit nga shirat e rënë ditët e fundit, banorët kanë kërkuar vazhdimisht ndihmë që situata të vihet nën kontroll.
Ndër personat që ka kërkuar ndihmë është edhe mjeku i fshatit Obot, ku është shprehur se po punon në kushte ekstreme për tu ardhur në ndihmë personave që kanë nevojë për trajtim mjekësor.
