Pas qumështit , ‘Gjirofarm’ tregton djathë me baktere, që shkakton helmim. AKU hesht!

291
Sigal

Zgjerohet skandali

Zgjerohet skandali ushqimor në kompaninë ‘Gjirofarm’. Pas kosit me fekale që hodhi në treg tani një tjetër produkt i rrezikon shëndetin konsumatorëve. Bëhet fjalë për djathin kaçkavall të deles ‘Gjirofarm’. Sipas burimeve te ‘Ora’ Instituti i Sigurisë Ushqimore dhe Veterinare ka analizuar djathin kaçkavall të deles ‘Gjirofarm’, i cili  ka rezultuar  të jetë me vlerë mbi normë të bakterit  Escherichia Coli.

Ky bakter shkakton helmim, diarre, dhimbje të forta barku dhe  marrje mendsh. Njëkohësisht mund të shkaktojë edhe infeksione në traktin urinar dhe probleme të rënda në  frymëmarrje.

Përballë kësaj situate, drejtoresha e AKU Jeta Deda ka zgjedhur të ‘mbyllë gojën’ dhe mos të reagojë.

Ky institucion  ka marrë zyrtarisht njoftim që në datën 19 janar 2022 për djathin e deles me problem, por nuk ka bërë asnjë  njoftimi zyrtar për konsumatorët. Kjo është faqja zyrtare e AKU dhe njoftimi i fundit është bërë në datën 16 janar 2022.

Edhe pse është në pikëpyetje shëndeti i fëmijëve tanë  drejtoresha e AKU zgjedh të mbrojë biznesin  duke e fshehur këtë fakt dhe nuk  urdhëron  tërheqjen e  djathit me baktere nga tregu. Ora  2 ditë pasi AKU është vënë në dijeni të situatës ka bërë një vëzhgim në supermarketet e Tiranës ku ka rezultuar se djathi kaçkavall i deles Gjirofarm nuk është tërhequr nga tregu. Gazetarja: Doja djath kaçkavall Gjirofarm.

Edhe pse ligjërisht i gjithë djathi kaçkavall duhet të ishte tërhequr  ai vijon te shitet. Duke blerë heshtjen e AKU-së Gjirofarm  vijon të shesë   djathin që duhet të ishte asgjësuar.

Në këto kushte  konsumatorët në mbarë vendin po blejnë sëmundjen me lekë.

Ky produkt tregtohet  edhe në marketet e Amerikës, por nuk e  dimë ende nëse AKU e ka përcjellë informacionin jashtë kufijve për  heqjen nga tregu ose jo?