Prej disa ditësh vendi ynë është përfshirë nga protesta masive për shkak të rritjes së çmimit të naftës dhe ushqimeve. Qeveria është munduar ta justifikojë këtë situatë duke e lidhur me efektet që ka sjellë në mbarë botën lufta Rusi-Ukrainë dhe se ka patur mungesa në treg. Por çuditërisht rritja stratsoferike e çmimeve u vërejt më së pari në Shqipëri, në ndryshim total nga vendet fqinje.
Por mesa duket kjo nuk është e gjitha, pasi siç shkruan edhe një qytetar në redaksinë e një medie, ka filluar të rritet edhe çmimi i ujit. Nga 100 lekë që ishte, tashmë një bidon ka shkuar në 120 lekë. “Shiko ka ndryshuar edhe cmimi i ujit, nga 1 mije leke ne 1200 leke. Skandal. Flm”- shkruan qytetari.