Kur policia e shikon të arsyeshme që një rrugë është kthyer në një njollë të zezë, ku ashtu si shoferët edhe kalimtarët rrezikohen prej shpejtësisë së lartë, ata përdorin radarin e quajtur ‘TrueCam’.
Pjesa e rrugës nga Vasil Shanto deri tek Pallati me shigjeta. Limiti në këtë rrugë është 40 km/h, por makina që shihni pas meje ishte me 72km/h dhe për këtë arsye policia rrugore do t’i heq lejen e drejtimit.
Në një kohë kur bazat e drejtimit të makinës merren në autoshkollë e po ashtu edhe shembulli sesi një mjet duhet të drejtohet, një instruktor ra preh e shpejtësisë së lartë.
Gjatë 24 orëve të fundit, policia rrugore me radarët TrueCam, kanë monitoruar disa rrugë kryesore në Tiranë, Lezhë, Durrës, Fier dhe Elbasan. Për këtë arsye u pezulluan 176 leje drejtimi për shkak të shpejtësisë së lartë, në të pesë qytetet.
Përveç kësaj, vëmendje po i kushtohet edhe përdorimit të alkoolit nga drejtuesit e mjeteve. 13 shoferë u arrestuan, ku 9 prej tyre po e drejtonin mjetin në gjendje të dehur. U hoqën edhe 41 pateta për shkak se shoferët ishin nën efektin e alkoolit.
Kujtojmë viti 2020, nisi me një aksident të rëndë në Tiranë, ku humbën jetën dy këmëbsorë, pasi dy makina u përplasën me njëra tjetër.
