“Papunësia e lartë tek të rinjtë”, Meta: Arsyeja përse 25 prilli është referendum kombëtar

Presidenti i Republikës, Ilir Meta ka reaguar në rrjetet sociale për nivelin e lartë papunësisë tek të rinjtë.

Referuar studimeve dhe shifrave të raportuara nga INSTAT se 1 në 4 të rinj të grupmoshës 15-24-vjeç nuk janë as shkollë dhe as në punë, Meta thotë se situata është dramatike.

Gjithashtu a thekson se kjo është një arsye se përse 25 prilli është referendum kombëtar, për çeljen e perspektivës për brezin e ri dhe frenimin e shpopullimit të vendi.

Postimi i plotë:

Mbyllja e perspektivës për të rinjtë është rrënja e shpopullimit të Shqipërisë.

Vendi ynë ka treguesit më të lartë të mosarsimimit dhe të mospunësimit të rinisë në Europë dhe në rajon.

Sipas INSTAT më shumë se 1 në 4 të rinj të grupmoshës 15 – 24 vjeç nuk janë as në shkollë dhe as në punë.

Një dramë e vërtetë për familjet shqiptare. Ndërkohë që në Europë dhe përafërsisht edhe në rajon vetëm 1 në 10 veta të kësaj grupmoshe nuk i përkasin kësaj kategorie.

Për këtë arsye 25 prilli është referendum kombëtar, për çeljen e perspektivës për brezin e ri dhe frenimin e shpopullimit të vendit.