Këtë të mërkurë, Piramida e Tiranës u kthye në destinacionin më të rëndësishëm të investitorëve dhe pronarëve të psurive të paluajtshme.
Panairi ndërkombëtar “Real Extate”, i Organizuar nga Klik Ekspo Group dhe NEREA, hapi dyert sot për të gjithë të interesuarit në fushën e pasurive të paluajtshme.
Në ceremoninë e hapjes morën pjese përfaqësues nga pushteti lokal dhe ai qëndror, por edhe aktorë të rnëbdësishëm në këtë sektor.
Zv. presidenti i Klik Ekspo Grup, Luel Muhametaj, në fjaën e tij përshëndetëse, theksoi rëndësinë e aktivitete të tilla me në fokus investimet. Muhametaj theksoi se sektori i padurive të paluajtshme në shqipëri ka pdur një rol të rëndësishëm në në zhvillimin e vendit.
“Sot shënohet një moment historik për Shqipërinë ndërsa jemi mbledhur këtu në Tiranë për ekspozitën e parë të pasurive të paluajtshme. Kjo ngjarja nënkupton jo vetëm një moment historik të tregut shqiptarë të pasurive të paluajtshme por edhe një dëshmi të vizionit tonë kolektiv dhe ambicieve dhe përkushtimit. Për të ndërtuar një të ardhme të begatë. Vitet e fundit Shqipëria ka përjetuar një rritje dhe transformim të jashtëzakonshëm. Qytetet tona po zhvillohen, horizontet tona po ngrihen dhe komunitetet tona po lulëzojnë. Sektori i pasurive të paluajtshme ka pasur një rol kryesor në këtë zhvillim duke vepruar si një gur themeli për stabilitetin ekonomik dhe një sërë mundësish”, tha Luel Muhametaj.
Ndërsa drejtori ekzekutiv i NAREA, Reinaldo Pipira foli me shifra konkrete sa i përket ndikimit që ka pasur sektori Pasurive të paluajstshme në ekonomi.
Ai tha se 1/3 e investimeve totale vjen nga ky sektor.
“1/3 e investimeve në vend vjen pikërisht nga sektori i psaurive të paluajtshme. Ky panair vjen në nje koment kyç në Shqiperi. Dy vite pas rregullimit ligjor për këtë industri është koha të hedhim dritë mbi këtë treg. Sot Real Estate luan një rol të rëndesishëm për turizmin dhe investimet”, u shpreh Pipiria.
Kryetari i komisionit të ekonomisë dhe financave, Eduard Shalsi tha se tashmë në Shqipëri, tregu i padurive të paluajtshme është zhvilluar ndjeshëm dhe sot flasim për specialistë të këtij sektori.
“Shqiperia tashmë ka specialit në tregun e Real Estate. Nuk ka qeveri qe te zgjidh vetë të gjitha problemet e veta, ndaj partneriteti është shumë i rëndesishëm.Në takimet e vazhdueshme për sfidat, grupi juaj nuk përmend vetëm problematikat, por jep dhe sugjerime si të zgjidhen ato. Shqipëria e miliona turistëve, sot përballet edhe me sfida të jashtëzakonshme, ndaj duhet të jemi në lartësinë e duhur për t’i përballuar ato. Pesha specifike e investimeve të ketij sektori është vertetë e madhe”, u shpreh Shalsi.
Tirana mbetet qyteti kryesor sa i pëerket investimeve në pasuri të paluajtshme, por po vihet re edhe nje interesim për bregdetin nga investirorët e huaj.
Shifrat në lidhje me këtë i prezantoi nën kryetari i bashkisë së Tiranës Andi Seferi.
“Jam zemër plot kur shikoj këtë panair, pasi arriti të gjente rrugën për të qenë një panair identitar dhe jo shtojcë e panaireve të tjera. Investimet e huaja për 2023 ishin 1.5 mld euro, nga te cilat 350 mln euro ishin vetëm në banesa rezidenciale në bregdet”, tha ai.
Partnerët ndërkombëtar si nga konfederata europiane e profesioneve të real estate por edhe shoqata kombetare REALTOURS, e vlerësuan maksimalisht këtë sektor, duke e konsideruar hapin më të rëndësishëm për një treg të sigurt në pasuritë e paluajtshme.
Kosmos Theodorides, Zëvendës President I CEPI-t, Konfederata Europiane e Profesionistëve të Real Estate EU u shpreh se ishte e privilegjuar që ishte e pranishme në këtë Panair, ajo përgëzoi organizatorët dhe u vlerësoj panairin si një vend takim të rëndësishëm ku si] tha ajo, “po bej miq nga e gjithe bota këtu në Tiranë“.
“Jam i lumtur të them se panairir i sotëm është një hap i rëndësishëm drejt një të ardhme më të mirë në këtë sektor. shpresojmë që Shqipëria të integrohet sa më shpejtë në BE, dhe ndërkohë Ky panair është një shenjë e mirë për këtë rrugëtim “, tha Theodorides
Ndërsa Alina Aeby koordinatore Globale për Europëm Lindore NAR Shoqata Kombëtare e REALTORS UAS tha se, ” Shqipëria është një tregues i rëndësishëm i transformimit dhe zhvillimit. Jam e nderuar që jam këtu dhe pjese e NAREA, dhe një nga partnerët tanë më të rëndësishëm është Shqipëria. ”
Ndërsa kreu i dhomës së tregetisë dhe industrise Nikolin Jakaj, tha se Tirana është ndër vendet më dinjitoze që konkuron që tregun rajonal dhe jo vetem në sektorin e pasurive të paluajtshme.
Në përfundim të ceremonisë së hapjes, nuk mungoi as performanca artistike, ku të pranishmit kërcyen nën tingujt e violonçelistit Iljard Shaba.
Panairi ndërkombëtar i pasurive të paluajtshme do te jetë i hapur deri në datën 14 qershor ku do të kete aktivitete dhe konferenca të shumta për zhvillimin e ketij tregu.
