Mirditë, dhunohen dy rojet e një firme, digjen dhe katër automjete

421
Sigal

Dy persona që ruanin makineritë e firmës në Kaçinar të Mirditës janë dhunuar fizikisht, ndërsa katër automjete janë djegur.

Firma ku ka ndodhur ngjarja pritet të ndërtojë HEC-e në këtë zonë.

Kjo është pista kryesore ku po heton aktualisht policia për këtë ngjarje të rëndë.

Është ushtruar dhunë ndaj dy rojeve të makinerive, të cilët janë dërguar në spitalin e Rrëshenit për ndihmë mjekësore.

Dy personat e dhunuar kanë mbërritur në urgjence me fraktura në trup, ndërsa fatmirësisht ndodhen jashtë rrezikut për jetën.

Burime policore konfirmojnë faktin se deri në këto momente nuk ka mbërritur asnjë kallëzim nga ana e personave, që ranë pre e dhunës në Mirditë.