Ka nisur zyrtarisht protesta e thirrur nga Partia Demokratike dhe Partia e Lirisë përpara Kuvendit.
Qytetarë të shumtë me flamuj dhe pankarta në duar janë mbledhur në ambientet përballë Parlamentit.
Ndërkohë në hyrje të Kuvendit deputetët e përjashtuar të opozitës kanë nisur përplasjet me përfaqësuesit e Gardës së Republikës, të cilët nuk po lejojnë hyrjen e tyre në Kuvend.
Kujtojmë se 6 deputetë të opozitës u përjashtuan për disa ditë nga punimet e Kuvendit, me arsyetimin e prishjes së qetësisë në Kuvend dhe moslejimin e zhvillimit normal të punimeve në seancë.
